Milani e nisi me fitore Serinë A, duke mundur me shifrat 4-2 Udinesen. Kjo fitore nuk ishte e lehtë për kampionët në fuqi, sidomos në pjesën e parë që u mbyll në barazim 2-2.
Goli i Bekaos që në minutën e dytë të sfidës tronditi Milanin, që reagoi menjëherë. Theo Hernandez me penallti vendosi barazpeshën, kurse më pas Rebic nuk gaboi para portës pas asistit të Calabria.
Dukej se Milani kishte gjithçka nën kontroll më pas, por një përgjumje u kushtoi shtrenjtë. Masina me kokë barazoi rezultatin. Gjithsesi kuqezinjveë iu deshën pak sekonda pas rifillimit të sfidës për të kaluar përsëri në avantazh.
Këtë herë shënoi Brahim Diaz, i cili shfrytëzoi një pasiguri të mbrojtjes mike. Goli i dytë i Rebiç në minutën e 68-të vulosi fatin e këtij dueli.
Discussion about this post