Me anë të një postimi në facebook, deputeti i Partisë së Lirisë, Petrit Vasili, shprehet se sistemi më i madh t’i të dhënave për koston dhe cilësinë e jetesës, “Numbeo” e ka renditur Tiranën, ndër kryeqytet e fundit në botë për cilësinë e keqe të jetesës. Sipas Vasilit, kryeqyteti shqiptar mban edhe vendin e fundit në rangun e kryeqendrave të Europës gjatë këtij viti, duke vijuar kështu përkeqësimin në renditje. Vasili shprehet se Tirana po shkon drejt rrënimit, që kur “drejtimin e rrëmbejnë hajdutët dhe llafazanët”.
Postimi i plotë i Vasilit:
Kur drejtimin e Tiranës e rrëmbejnë hajdutet dhe llafazansët ajo vetëm rrënohet! Të gjithë treguesit e Tiranës, qe lidhen me cilësinë e jetesës përkeqësohen çdo dite keq e me keq dhe Ti6rana është kryeqyteti i fundit ne Evropë për cilësinë e jetës. Klasifikimi i NUMBEO sistemi më i madh i të dhënave për koston dhe cilësinë e jetesës jep te dhënat tronditëse, qe faktojnë gjendjen katastrofike te Tiranës. Në renditjen aktuale Tirana ishte e 232-a nga 254 kryeqytete e qytete.
Tirana brenda një viti ka rene plot 17 vende nga një vit më pare, në mesin e 2021-it ishte në pozicionin e 215 ndërsa sot është ne vendin e 232.
Për Indeksin e Ndotjes, Tirana është në vendin e 242, më e ndotura në Europë dhe ndër të fundit në botë.
Në Indeksin e Kujdesit Shëndetësor, Tirana është në vendin e 246, e fundit në Europë
Por, në indeksin e fuqisë blerëse Tirana është në vendin e 231 nder te fundit.
Në indeksin e trafikut, Tirana është në vendin e 181 nga 254 qytetet që kanë më shumë trafik.
Betonizimi kriminal me kulla, rrëmbimi i pronave, vjedhja me inceneratorët shkatërruan Tiranën.
Kur Tirana drejtohet nga hajdutë dhe llafazanë që vetëm grabisin dhe llomotisin ajo vetëm shkatërrohet duke ju nxirë përditë jetën qytetarëve të saj.
Discussion about this post