Një fushë afër rrugës “Qemal Stafa” në Arbëri, ish Dragodani, është përfshirë nga flakët këtë martë.
Në vendin e ngjarjes ka shkuar policia, ndërsa pritet të ndërhyjnë dhe zjarrfikësit.
Mësohet se zjarri rrezikon një shtëpi në atë pjesë, e cila ndodhet e rrethuara nga tymi në të gjitha anët.
Pronari i shtëpisë i detyruar nga rreziku që i kanoset banesës së tij është detyruar në mes tymit që të shuajë me mjete rrethanore zjarrin.
Ndërkaq, policia e Kosovës ka apeluar qytetarët që të kenë kujdes, dhe të mos ndezin zjarre qëllimisht. Në njoftim, blutë shprehen se do të ndërmarrin masa të vazhdueshme ligjore ndaj të gjithë atyre individëve që në një formë apo tjetër rrezikojnë jetën apo pronën e qytetarëve, qoftë qëllimisht apo përmes pakujdesisë së shfaqur në çfarëdo forme.
Discussion about this post