U vra me thikë në Sarandë, ky është 41-vjeçari nga Tepelena (EMRI)

Klodian Bakiaj është 41 vjeçari banues në Tepelenë që u vra sot me thikë në Sarandë.

Ngjarja ka ndodhur rreth orës 18:30, në lagjen Nr.1, Sarandë. Nga informacionet paraprake bëhet me dije se ngjarja ka ndodhur pas një konflikti të çastit.

Bakiaj fillimisht ka mbetur i dëmtuar me mjete prerëse dhe më pas është transportuar në spitalin e Sarandës, si pasojë e dëmtimeve të marra ka ndërruar jetë.

Shërbimet e Policisë dhe grupi hetimor kanë shkuar menjëherë në vendngjarje dhe po vijojnë punën intensive për zbardhjen e plotë të rrethanave të ngjarjes, identifikimin dhe kapjen e autorit.

Gjithashtu pritet të merren në pyetje edhe dëshmitarët okularë të ngjarjes.