Skema e atentatit të sotëm në Vlorë ku u ekzekutuan Geno (Shpat) Lena dhe Hakim Xhezo është pothuajse i njëjtë me atë të masakrës në Fushë-Krujë ku vranë tre persona.
Autorët në të dyja ngjarjet kriminale dyshohet se kanë qenë tre dhe kanë qëlluar me rreth 60 plumba kallashnikovi.
Të shenjëstruarit me precedentë penale e të përfshirë në vrasje lëviznin me makina të blinduara, por autorët i kanë kapur të papërgatitur ditën kur janë ekzekutuar me breshëri plumbash.
Makina e autorëve është djegur për të fshehur gjurmët poashtu edhe armët e krimit.
Brilant Martinaj, Diklen Vata e Besmir Hoxha u qëlluan me rreth 60 plumba kallashnikovi në makinën Volkswagen Passat, me të cilën po lëviznin drejt Laçit. Nga breshëria e plumbave makina mori flakë dhe për pasojë prej tyre u shkrumbuan. Vetëm Vata mundi të dalë nga makina, por agresorët u rikthyen sërish dhe u siguruan të vdiste. Kjo ngjarje vijon të frikësojë.
Disa ditë më parë një ngjarje kriminale, që siç duket nga rrethanat e organizimit dyshohet për një vrasje apo atentat, është parandaluar nga policia e Lezhës në Kune në Shëngjin. Në pranga ka rënë 28-vjeçari, Nikoll Sherrniku, një emër i njohur për efektivët, pasi ishte nën masën ‘arrest shtëpie’, sepse ishte i implikuar në vrasjen e efektivit Xhulio Prela në dhjetor të vitit 2020. Sherrniku njihet si ‘ushtar’ i Martinajt. Ndërsa vetë Martinaj prej 10 ditësh është denoncuar i zhukur nga familjarët e tij.
Discussion about this post