Thirrjet raciste nuk e ndalojnë, befason Bella Hadid: Do doja të isha rritur me kulturën muslimane

Bella Hadid është shprehur e trishtuar për refuzimin e mundësisë për t’u rritur në ‘kulturën muslimane’ me babanë e saj palestinez, duke thënë se ajo ishte përjashtuar nga ajo anë e familjes kur u zhvendos me nënën e saj në Kaliforni pas divorcit të prindërve.
Modelja, 25 vjeçe, është vajza e supermodeles holandeze, Yolanda Hadid, dhe menazherit palestinez të pasurive të paluajtshme Mohamed Hadid.
Ajo ka lindur në Uashington, DC, ku kaloi katër vitet e para të jetës së saj duke u rritur pranë të afërmve nga ana e babait.

Por pasi prindërit e saj u ndanë kur Bella ishte katër vjeç, ajo dhe vëllezërit e saj Gigi dhe Anëar – u zhvendosën në Santa Barbara, Kaliforni, me nënën e tyre. Duke folur për një intervistë, ylli palestinez shpjegoi se dëshironte një shans për të eksploruar atë anë të historisë së saj pasi u zhvendos në bregun perëndimor.
Ajo tha se do të kishte dashur të kishte studiuar dhe praktikuar fenë që fëmijë, por ‘nuk iu dha kjo’ mundësi.
Bella shtoi se shpesh ishte vajza e vetme arabe në klasën e saj në shkollë, gjë që solli që ajo t’i nënshtrohej rregullisht ngacmimeve raciste dhe e bëri të ndjehej ‘e trishtuar dhe e vetmuar’.

“Do të më pëlqente të rritesha dhe të isha me babin tim çdo ditë dhe të studioja dhe të isha në gjendje të praktikoja, thjesht në përgjithësi të isha në gjendje të jetoja në një kulturë myslimane, por kjo mundësi nuk mu dha.”
Ajo shtoi për edukimin e saj në Santa Barbara, ku u përball me “thirrjet raciste”: “Për kaq shumë kohë më mungonte ajo pjesë e imja, dhe kjo më bëri vërtet, shumë të trishtuar dhe të vetmuar”.
Bella do të bëjë debutimin e saj si aktore në serialin Hulu, Ramy, i cili ka të bëjë me ‘një musliman amerikan të gjeneratës së parë, i cili është në një udhëtim shpirtëror në lagjen e tij të ndarë politikisht në Neë Jersey.’
Bella zbuloi se roli ringjalli dëshirën e saj për të përqafuar trashëgiminë e saj, e cila iu mohua pas divorcit të prindërve të saj.Ajo shpjegoi se ndërsa po xhironte serialin, në fakt u përlot kur ekipi e befasoi me një bluzë të Palestinës së Lirë.