E rëndë, bie në kanalin vaditës, humb jetën 51-vjeçari në Krujë

Një 51-vjeçar ka humbur jetën në rrethana tragjike në Krujë. Sipas bluve, i ndjeri ka rënë në një kanal vaditës ku dhe ka humbur jetën. Ai u dërgua pa shenja jete në spitalin e Krujës. Viktima i identifikuar si Ylli Tafili, 51 vjeç u dërgua nga familjarët me urgjencë në spital, por në momentin e mbërritjes mjekët kanë konstatuar se ai nuk kishte shenja jete.

Menjëherë është njoftuar policia, e cila me të mbërritur në spital ka nisur punën për të gjetur shkakun e vdekjes së 51 vjeçarit.

Pas verifikimit të fakteve si edhe marrjes në pyetje të familjarëve, policia ka zbuluar se në fakt 51-vjeçari Ylli Tafili kishte rënë aksidentalisht në një kanal vaditës në zonë dhe ka ndërruar jetë.