Replika me qytetarët duke përdor fjalor rruge, i ka kushtuar vendin e punës polices së njohur të Elbasanit Anisa Kostani. Ajo është pezulluar nga detyra ditën e sotme, pasi ndaj saj kishte nisur hetimi administrative nga Drejtoria e Përgjithshme e Standartizimit për shkelje etike.
Kjo lëvizje vjen pasi ditën e djeshme, policja në një postim që bëri në rrjetet sociale, ofendoi gazetarët për punën e tyre. Kostani, që u bë e njohur në media për gjaprin që mbante si kafshë shtëpiake, duket se e ka marrë me shumë zell punën aq sa ka marrë përsipër tu kthehet me fjalor rruge gazetarëve dhe gazetareve që i prishin imazhin qytetit me “të pavërteta” sipas saj edhe pse aty “zien” krimi dhe kërcet arma netëve të nxehta dhe të ftohta, natën dhe ditën.
Ngjarja më e fundit ishte ekzekutimi i 33-vjeçari Madrit Ulqinaku mbrëmjen e të mërkurës, 17 gusht, nën hundën e policisë dhe në mes të njerëzve.
Autori i dyshuar i vrasjes, 18-vjeçari Horgito Peqini iku në drejtim të paditur duke mos u kapur nga uniformat blu.
Por ky detaj për Kostanin është i parëndësishëm. Policja e Elbasanit, thotë ajo, është duke bërë punë të shkëlqyer, të cilën vetëm “qorrat” dhe ata që i kanë marrë “provimet nga profesora Don Zhuanë” nuk e shohin.
Discussion about this post