Vesel Limaj është zyrtarisht lojtar i Tiranës. Klubi bardheblu zyrtarizoi dje futbollistin që luan në mesfushë. Limaj, në fakt, ishte një dëshirë e hershme e Tiranës dhe e Orges Shehit. Për bardheblutë kjo është një “bombë” e dytë e merkatos pas zyrtarizimit të Seferit javë më parë.
Vetë presidenti i Tiranës, Refik Halili, është shprehur se goditja e Limajt është një shenjë e qartë se Tirana do të bëjë merkato cilësore. “Te Tirana e konsiderojmë bombë të merkatos. Kemi marrë një lojtar shumë të mirë. Në ditët në vazhdim do të shohim të tjerë emra. Gjithsesi, ne e konsiderojmë Veselin si goditje shumë cilësore në merkato”, është shprehur Refik Halili.
