Partizani mori një fitore dramatike ndaj Egnatias. “Demat” ia dolën vetëm në shtesë të përmbysnin ezultatin dhe të merrnin pikët e plota pasi ndeshjapërfundoi 2-1.
Kryeqytetasit në fakt u gjendën në disavantazh në minutën e 32-të të fraksionit të parë, teksa Ilir Camaj përfitoi nga një gabim fatal i portierit Bekim Rexhepi.
Ky i fundit dështoi në tentativën për të larguar sferën dhe si rrjedhojë la portën e boshatisur me sulmuesin e rrogozhinasve që nuk fali nga fare pranë.
Më parë Fernandino i miqve kishte goditur shtyllën pingule. Në fraksionin e dytë të besuarit e trajnerit Giovani Colella reaguan dhe gjetën rrugën e rrjetës në minutën e 57-të me anë të Engjëll Hotit, i cili ekzekutoi saktësisht një 11-metërsh të akroduar nga ana e VAR-it.
Kryeqytetasit nuk u dorëzuan në tentativat për të fituar ndeshjen dhe u shpërblyen në minutën e 97-të, kur Xhuljano Skuka ndëshkoi Egnatian dhe i dha fitoren Partizanit.
Discussion about this post