Gazetari bullgar Chisto Grozev, i njohur mes të tjerash edhe për faktin që ka zbuluar agjentët rus të cilët tentuan të helmonin kritikun e Kremlinit Alexei Navalny, ka shkruar në lidhje me ngjarjen e mbrëmshme në uzinën e armëve në Gramsh.
Në një postim në Twitter, Grozev ka shkruar se shtetasja ruse e arrestuar, është Svetlana Timofeeva, për të cilën u shpreh se ka një histori interesante.
Ai shtoi se shtetësja ruse ka pasur një rast të ngjashëm edhe në Egjipt, ku një nga “fotografët” me të cilët udhëtonte, është shpëtuar vetëm me ndërhyrjen e Ministrisë së jashtme ruse.
“Një nga ruset e arrestuara në Shqipëri është Svetlana Timofeeva. Ajo ka një histori interesante udhëtimi, kalimi i kufinjve tregon se ajo udhëton shumë herë nën shoqërinë e “fotografëve”, të paktën njëri prej tyre u arrestua këtë janar në Egjipt, dhe u desh ndërhyrja e Ministrisë së Jashtme ruse që të shpëtonte.”-shkruan ai.
Discussion about this post