Një aksident ka ndodhur në hyrje të Lushnjës, mbrëmjen e kësaj të diele. Lidhur me ngjarjen policia bëjnë me dije se rreth orës 20:30, në fshatin Pirrë, personi me inicialet J. K., 55 vjeç, duke drejtuar automjetin është përplasur me një mjet bujqësor, që drejtohej nga qytetari me inicialet I. K., 27 vjeç.
Si pasojë e përplasjes janë dëmtuar lehtë drejtuesi i automjetit dhe pasagjerët me inicialet G. K., 46 vjeçe, Dh. T., 52 vjeçe, M. T., 58 vjeç, dhe dy fëmijë të mitur 12 vjeç dhe 11 vjeç. Të lënduarit janë dërguar në spital dhe ndodhen jashtë rrezikut për jetën.
“Sot, rreth orës 20:30, në aksin rrugor Fier-Lushnjë, në fshatin Pirrë, shtetasi J. K., 55 vjeç, duke drejtuar automjetin është përplasur me një mjet bujqësor, me drejtues shtetasin I. K., 27 vjeç, banues në fshatin Pirrë. Si pasojë e përplasjes janë dëmtuar lehtë drejtuesi i automjetit dhe pasagjerët, shtetasit G. K., 46 vjeçe, Dh. T., 52 vjeçe, M. T., 58 vjeç, dhe dy fëmijë të mitur 12 vjeç dhe 11 vjeç, të cilët ndodhen në spital nën kujdesin e mjekëve, jashtë rrezikut për jetën.”
Grupi hetimor po punon për zbardhjen e rrethanave të aksidentit.
Discussion about this post