Dy janë pistat kryesore të cilat po hetohen nga grupi hetimor, për plagosjen në Kurbin. Sipas policisë deri tani dyshimet kryesore janë të një grabitje të mundshme apo ajo e një hakmarrjeje.
Besim Zeneli teksa mbyllte dyqanin e tij është plagosur me dy plumba. 60-vjeçari është dërguar në spitalin e Traumës për të marrë mjekimin e duhur.
Burime bëjnë me dije se ngjarja ka ndodhur rreth orës 00:25, gjatë kohës që 60- vjeçari me iniciale B. Z. banues në fshatin Shullaz, Kurbin, ka qenë në biznesin e tij (dyqan fruta-perimesh) që ndodhet në anë të rrugës, në autostradën Laç – Lezhë, është qëlluar me armë zjarri në drejtim të tij.
Për pasojë, B. Z. ka marrë plagë në trup dhe ndodhet në Spitalin e Traumës në Tiranë, nën kujdesin mjekësor.
Grupi hetimor vijon veprimet në vendin e ngjarjes, duke administruar çdo provë dhe vlerësuar çdo informacion, për zbardhjen e plotë të rrethanave të ngjarjes.
Shërbimet e Policisë kanë shoqëruar 3 persona, mes tyre dhe autorin e dyshuar të ngjarjes dhe po kryejnë veprimet hetimore për dokumentimin e plotë ligjor të ngjarjes dhe arrestimin e autorëve të dyshuar.
Discussion about this post