Një 50-vjeçar italian ka ndërruar jetë teksa ishte me pushime në Kubë. Viktima është Germano Mancini, komandant i stacionit të karabinierëve të Scorzè, pasi ishte i infektuar me linë e majmunit. Lajmi për infeksionin u dha nga Ministria e Shëndetësisë e Havanës më 20 gusht, duke raportuar se ishte rasti i parë i lisë së majmunëve i zbuluar në vend, raporton Tgcom.
Siç thekson ministria në një shënim, “gjatë qëndrimit viktima ka qëndruar në një shtëpi me qira dhe ka vizituar vende të ndryshme në provincat perëndimore të vendit. Më 17 gusht ka paraqitur simptoma të përgjithshme dhe më 18 gusht ka shkuar në shërbimin shëndetësor. Gjatë kujdesit të parë mjekësor, simptomat u përkeqësuan dhe kjo kërkonte një transferim urgjent për shtrimin në spital dhe kujdesin intensiv”.
Në ekzaminim, vijon ministria, “u identifikuan lezione të lëkurës që dyshojnë klinikisht për linë e majmunit”.
Discussion about this post