Një grup i përbërë nga qytetarë serbë janë grumbulluar sot para Stacionit të Policisë së Kosovës në Mitrovicë.
Mediat në Kosovë raportojnë se nuk dihet ende arsyeja pse ndodhen serbët pranë godinës së Policisë. Policia e Kosovës nuk ka dhënë ende detaje për këtë grumbullim qytetarësh.
Rruga është e hapur për qarkullim, pasi ishte bllokuar për një kohë të shkurtër në pjesën e poshtme nga një mjet civil. Aty gjenden edhe pjesëtarë të Policisë së Kosovës, për ta monitoruar situatën.
Kujtojmë që në fund të muajit korrik pati tensione në veri të vendit pas vendimit të qeverisë së Albin Kurtit se më 1 gusht do të zbatoheshin dy vendimet e Qeverisë së Kosovës, për targat dhe atij për dokumente në kufi me Serbinë.
Më 31 korrik, serbët në Kosovë vendosën barrikada në rrugët që çojnë në Jarinjë dhe Bërnjak, për shkak të vendimit të qeverisë për targat dhe dokumentet serbe.
Qeveria e Kosovës u tërhoq pas nisjeve të tensioneve dhe njoftoi se vendimet do të hyjnë në fuqi më 1 shtator.
Discussion about this post