Një skenë e rrallë është kapur në kamera në metronë e Madridit. Mediat spanjolle raportojnë se një makinë u vodh në parkingun e metrosë në stacionin e Getafes, dhe më pas ngeci në shkallët e tij në vendin e këmbimit të trenave, të quajtur “Plaza Elíptica”.
Fatmirësisht futja e makinës në shkallën elektrike është bërë pa shkaktuar asnjë lëndim, siç u raportua nga ekipi i Emergjencave Civile të Madridit.
Gjithçka ndodhi rreth mesnatës, kur shoferi-grabitës 36 vjeç hyri në kryqëzimin e “Plaza Elíptica” përmes aksesit ekskluziv të autobusit A-42, duke kaluar nga dyert e xhamit dhe duke u futur në shkallët e ambienteve të brendshme.
Ndërkohë, drejtuesi është transportuar në spital dhe nga hetimet rezulton të jetë person me precedentë penalë, i cili pasi ka debatuar me partneren e tij, ka hyrë në një makinë pa njerëz brenda që në atë kohë kishte çelësat në timon.
Me makinën e vjedhur, ai hyri në tunelin e autobusit A-42-HOV, kaloi nëpër dyert prej xhami dhe ngeci mes shkallëve elektrike, duke tentuar të marrë peng edhe një vajza të re për t’i shpëtuar policisë.
Zjarrfikësve nga Këshilli i Qytetit të Madridit u është dashur të kryejnë një operacion të gjatë për të nxjerrë automjetin nga shkallët.
Discussion about this post