Horgito Peqini do të përfitojë ulje në dënimin që do të marrë në vrasjen e Madrit Ulqinakut, pasi ende nuk i ka mbushur 18 vjeç. Mësohet se gjatë seancës gjyqësore që u zhvillua në Gjykatën e Elbasanit, Peqini ka pranuar krimin e rëndë dhe ka kërkuar që të lirohen shokët e tij.
“Jam fajtor, e kam kryer unë krimin, më lironi shokët,” mësohet të ketë thënë ai.
Masa “arrest me burg” e kërkuar nga Prokuroria e Elbasanit u caktua sot nga trupi gjykues e kryesuar nga Pajtime Fetahu. Peqini u la sot në burg bashkë me Klaudjan Sallufin që akuzohet se ka qenë bashkëpunëtor në ngjarje. Gjatë seancës ai u shfaq i buzëqeshur.
Të dy u vunë në pranga më 22 gusht, në periferi të qytetit të Elbasanit, ndërkohë që kishin gati planin për tu arratisur nga Shqipëria. 33-vjeçari, Madrit Ulqinaku, babai i një vajze mbeti i vdekur në vend pasi u qëllua me armë zjarri sapo doli nga lokali në afërsi të bulevardit kryesor të Elbasanit, pranë stadiumit “Elbasan Arena”.
Discussion about this post