Dy persona rrihen në mes të rrugës, qytetarët e Tiranës bëjnë spektatorin (VIDEO)

Një rrahje brutale është regjistruar ditën e sotme në kryeqytet mes dy personave. Ngjarja ka ndodhur në kryqëzimin e  rrugës “Xhanfize Keko”.  Në disa pamje të publikuara shihet një person në tokë që lufton me një tjetër që është në këmbë dhe e godet me grushte.

Gjithashtu, bëhet me dije se gjithçka ka ndodhur në sytë e dhjetëra qytetarëve që bënin spektatorin. E ndërsa njëri prej tyre si duket udhëtonte me makinë, paralizoi edhe trafikun me mjetin e ndaluar në kryqëzim.

Shkaqet dhe rrethanat e ngjarjes nuk dihen ende. Vlen të theksohet se komisariati numër 4 është shumë pranë vendit të ngjarjes.