“Pushteti i Ramës, më i madh se ai i Ramiz Alisë”, Berisha: Tonelata me euro të krimit për të blerë votat

Ndryshe nga herët e tjera, ish-kryeministri Sali Berisha ka dhënë një deklaratë nga Pogradeci pas takimit me demokratët. Berisha tha se misioni i demokratëve është që të shpëtojnë Shqipërinë nga Rama, që sipas tij është armiku i lirisë së shqiptarëve. Ai tha se Rama ka dhunuar votën dhe në zgjedhjet e fundit ai ka përdorur miliona tonelata euro nga krimi për të blerë votat. Berisha gjithashtu theksoi se pushteti i Ramës është më i madh sesa ai i Ramiz Alisë në vitin 1991.

“Në këtë takim shtrova para tyre misionin e madh, që ka sot çdo demokrat dhe demokrate, që ka sot PD për të shpëtuar Shqipërinë nga një armik i vërtetë i lirisë së shqiptarëve duke dhunuar voton. Në garën elektorale të 25 prillit, ajo ishte një garë mes shtetit elektoral dhe subjekteve të tjera, ç’ka do të thotë se ajo nuk ishte një garë elektorale. Po i lëmë mënjanë tonelatat me euro që të krimit që janë blerë votat. Unë po marr këtu makinerinë shtet. Pushteti i Ramës i përqendruar sot 10% më shumë sesa 91 tek Ramiz Alia është një pushtet i rrezikshëm, i cili ka shndërruar makinerinë shtetërore në një makineri mashtrimi për qytetarët, makineri plaçkitje, Ka shndërruar shtetin shqiptar në një shkelmues të interesave të shqiptarëve” – tha Sali Berisha.