Vodhi një makinë, 15-vjeçarja vë në lojë policinë, u thotë se është djalë

Një vajzë 15-vjeçare është arrestuar në Patra pasi ka hyrë në një shtëpi dhe i ka marrë çelësin e makinës pronarit  duke grabitur makinën.

Policia është njoftuar nga qytetarët të cilët kanë konstatuar se ajo po lëvizte në mënyrë të rrezikshme në qendër të qytetit dhe menjëherë kanë nisur kërkimet.

15-vjeçarja  u arrestua menjëherë pasi nuk kishte letërnjoftim policie apo patentë shoferi dhe u dërgua në komisariatin e Patrës ku rezultoi se ajo kishte vjedhur makinën.

Sipas mediave greke, vajza ka deklaruar një emër mashkulli. Në fakt, vajza e arrestuar dyshohet se ka angazhuar Policinë edhe në të kaluarën për vepra të tjera të paligjshme.