Ka nisur pak minuta më parë në Prishtinë protesta e paralajmëruar kundër përdhunimit të 11-vjeçares nga pesë persona. Aty po kërkohet drejtësi në mënyrë që dhunuesit ta marrin ndëshkimin e merituar.
Një numër i konsiderueshëm qytetarësh i janë bashkuar protestës për mbrojtjen e vajzave dhe grave, pas rastit të dhunimit seksual të vajzës së mitur.
Katër persona ndodhen në paraburgim në kohëzgjatje prej një muaji, si të dyshuar për dhunimin e një 11-vjeçareje të shtunën në parkun e lagjes “Arbëria” në Prishtinë. Tre nga katër të dyshuarit që po qëndrojnë në paraburgim janë të mitur. Ndërsa, i pesti, një 19-vjeçar u dorëzua dje dhe pritet të dalë sot para gjykatës.
Ngjarja e rëndë ka ndodhur në Dragodan të Prishtinës më 27 gusht, ku 5 burra, mes tyre 3 të mitur, kanë dhunuar e përdhunuar një 11-vjeçare për 7 orë në një nga parqet e kryeqytetit. Fillimisht janë arrestuar 4 nga 5 autorët e dyshuar të ngjarjes ndërkohë që i pesti u dorëzua në polici pas 3 ditësh.
Discussion about this post