Kryetari i Partisë së Lirisë, Ilir Meta, nuk i ndal akuzat ndaj kryeministrit Rama, duke theksuar se vetë ai është “koka” e kriminelëve në Shqipëri. Sot ai ka përsëritur s mesazhin e tij drejtuar qytetarëve, ku sulmoi ashpër kryeministrin Edi Rama. Përmes një postimi në Twitter, Meta thekson se është koha e llogaridhënies të atij personi që ulet përballë dhe bashkëpunon me krimin, për dështimin e rendit publik dhe vrasjeve që ndodhin kudo. Sipas Metës, Rama është përgjegjësi i drejtpërdrejtë i dështimit të rendit publik.
“Ndaj është koha që e gjithë llogaridhënia për situatën kriminale në vend, për dështimin e rendit publik, për vrasjet që ndodhin çdo ditë në mes të qytete dhe autostradave, ta kërkojmë te njeri që komunikon drejtpërdrejtë me krimin, që ulet me të dhe e motivon”, thuhet në mesazhin e Metës. Ndërsa më herët ai ka paralajmëruar se 1 shatori do të sjellë ndodhi të reja nga opozita dhe të vërteta për krimin e qeverisë.
Discussion about this post