Kreu i Partisë së Lirisë, Ilir Meta, ka folur sonte në një intervistë televizive edhe për hetimin e SPAK. Meta tha se është i hapur të hetohet dhe se nuk ka asnjë lidhje me akuzat. Sipas tij, problemi më i madh është që në këtë rast SPAK po përdoret nga Rama për të larguar vëmendjen nga aferat korruptive të PS, si dhe për t’u dhënë kohë oligarkëve të fshehin abuzimet.
“Kush e ka penguar të hetojë. U mërzita shumë sepse personi S.K. që kishte kërkuar shkresën në Gjendjen Civile e kishte ndërruar për vete emrin. Unë nuk përmenda emra. I përmendni vetë. Një letër e tillë ishte dërguar dhe në gjendjen civile. Nuk është shqetësimi se kanë dërguar letra, se me inceneratorët nuk merret njëri në gusht dhe me skandalet e qeverisë, problemi më serioz për mua është që këto letra përdoren për të bërë lajme vere. Mua le të më hetojnë, nuk më krijon asnjë lloj shqetësimi.
Nuk më shmang nga denoncimi i aferës së inceneratorëve. Kanë bërë 17 vendime në një ditë, afera e portit të Durrësit që mund të shkojë në 5 mld euro dhe shumë afera që po shkatërrojnë ekonominë e vendit tonë dhe qytetarët tanë, ky është problemi”, u shpreh Meta, duke theksuar se PL nuk do ndal për asnjë arsye nxjerrjen e aferave për inceneratorët.
Discussion about this post