Në 24 orët e fundit në vendin tonë janë shënuar 3 raste të reja me COVID nga 3853 testime të kryera në total. Konkretisht rastet e reja janë identifikuar në këto tre bashki: 2 raste në Elbasan dhe 1 rast në Tiranë.
Ndërkohë ka ndërruar jetë një 73-vjeçare. Aktualisht janë 71 pacientë aktivë me COVID19 në vend. Janë shëruar 7 qytetarë gjatë 24 orëve të fundit, duke e çuar numrin e të shëruarve në 129,982 që nga fillimi i epidemisë.
“Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19 dhe të mos neglizhojnë asnjë shenjë të sëmundjes. Për çdo dyshim, kontaktoni me mjekun tuaj të familjes ose telefononi Urgjencën Kombëtare në numrin unik 127”, njofton MSH.
