Abuzimet me financat nga ana e institucioneve publike në vend kanë çuar dëm mbi 263 milionë lekë, të vjelura nga xhepat e taksapaguesve. Kështu raporton Kontrolli i Lartë i Shtetit pas një auditimi gjashtë mujor në 54 institucione. Në raport evidentohet se për shkak të parregullsive dhe shkeljeve ligjore nga ana e institucioneve vetëm në periudhë janar-qershor 2022 janë çuar dëm mbi 724 milionë lekë të reja. “KLSH, në përfundim të auditimeve të kryera përgjatë periudhës janar – qershor 2022 ka zbuluar parregullsi dhe shkelje financiare me pasojë dëm ekonomik në të ardhura dhe shpenzime në shumën totale prej 724,336 mijë lekë, nga e cila ka rekomanduar për shpërblim dëmi shumën 724,336 mijë lekë”, thuhet në raport.
Ndërsa më tutje sqarohet se dëmet më të mëdha kanë ardhur nga abuzimet me tenderët. Pasi në shumë raste është abuzuar me pranimin e ofertave dhe fondin limit të përcaktuar për një sërë kontratash.
“Dëmi ekonomik në fushën e prokurimeve publike konstatohet si rrjedhojë e shkeljeve në: përgatitjen e dokumentacionit të tenderit, hartimin e specifikimeve teknike dhe kritereve të vlerësimit; llogaritjen e vlerës së kontratës; respektimin e kufijve monetar/ përzgjedhjen e procedurës së prokurimit publik; paraqitjen dhe pranimin e ofertave; hapjen dhe shqyrtimin e ofertave të paraqitura në konkurim; në njoftimin e fituesit, në procedurat e prokurimit me një ofertues, në lidhjen e kontratave dhe marrëdhëniet me nënkontraktorët, arkivimin e dosjeve për tenderat e zhvilluar; zbatimin e kontratave nga kontraktorët në përputhje me kushtet e përgjithshme etj”, thuhet në raport.
KESH dhe Ministria e Mbrojtjes nivel të lartë abuzimi
Më tutje KLSH konstaton se, Shkeljet nga 20 subjektet me dëmet më të mëdha lidhur me kontratat tenderuese, KESH dhe Ministria e Mbrojtjes regjistrojnë nivelin më të lartë të abuzimit. Konkretisht, për shkak të mos zbatimit të punëve sikur i kërkon ligji Korporata Elektroenergjitike e Shqipërisë ka sjellë 36 milion lekë dëme për 6 muaj. Ndërsa evidentohet se Ministria e Mbrojtjes ka shkaktuar 26 milionë lekë dëme dhe pas saj renditen disa ujësjellës kanalizime.
Sipas KLSH janë një sërë institucionesh me në krye Bashkinë Kamëz, Bashkia Vlorë dhe disa bashki të tjera. Ndjekur nga AKU, OSHHE dhe disa ministri janë evidentuar shkelje të larta në procedurat tenderuese. Konkretisht KLSH sqaron se, nga auditimet e realizuar janë konstatuar problematika të cilat lidhen me mungesën e sistemeve të kontrollit nga strukturat përgjegjëse të prokurimeve, shoqëruar me paligjshmëri të proceseve të prokurimit të fondeve publike, duke ulur efektshmërinë e qëllimit kryesor të ligjit për prokurimet publike, pra atë të sigurimit të dobishmërisë maksimale të fondeve të prokuruar. Në tabelën më poshtë paraqiten subjektet me efekte negative në fushën e prokurimeve publike të audituara. Pra, në një kohë kur qeveria na kërkon të kursejmë, instucionit kryesore i shpenzojnë takat tona për kontrata abuzuese./ gijotina.com /
Discussion about this post