Një tjetër rast i abuzimit me kafshët është zbuluar në Kavalla të Greqisë, ku një burrë po tërhiqte zvarrë një baldosë me motorin e tij.
“Çfarë po zvarritet atje? Është qen?”, janë komentet që dëgjohen nga brenda makinës në të cilën ndodhen dy të rinjtë që denoncuan burrin.
Dy të rinjtë kanë tentuar ta ndalojnë personin me motor, por nuk ia kanë dalë. Më pas ata kanë shkuar në komisariatin e zonës së tyre ku kanë bërë denoncimin përkatës. Burri u arrestua ndërsa baldosa kishte ngordhur dhe sipas Philozoiki Kavala nuk dihet nëse ka ngordhur teksa burri po e tërhiqte zvarrë apo ishte tashmë e pajetë. Për këtë është transferuar në Athinë për autopsi.
Discussion about this post