Kryetari i Grupit Parlamentar të PD-së, Enkelejd Alibeaj e nisi me kritika fjalën e tij përshëndetëse në sesionin e ri parlamentar pasditen e sotme.
Ai nuk ka kursyer ironitë adresuar qeverisë,, teksa është shprehur “Punë e mbarë dhe jetë të shkurtër këtij Parlamenti..”.
Sipas tij, Parlamenti është produkt i zgjedhjeve të vjedhura.
“E udhës është të thuhet gjithmonë punë e mbarë. Çfarë pune të mbarë mund t’i urosh këtij parlamenti? Punë e mbarë për ligjet e bëra me porosi? Punë e mbarë për fjalën e penguar të opozitës? Jo punë të mbarë për këto çështje nuk mund të ketë. Unë nuk shpresoj se edhe në këtë sesion do ketë punë të mbarë të këtij Parlamenti sepse është produkt i zgjedhjeve të vjedhura. Po t’i pyesësh sot shqiptarët askush nuk e sheh këtë parlament si vendin ku flitet për hallet e tyre. Një gjë do ta them. Punë e mbarë dhe jetë të shkurtër këtij Parlamenti”, tha Alibeaj.
Discussion about this post