Një 56-vjeçar në Kamëz fshehu vetëvrasjen e gruas para “bluve” të Tiranës, duke e deklaruar si vdekje natyrale. Ngjarja e rëndë u zbulua pasi vëllezërit e viktimës Shahe Lika, këmbëngulën për të hapur arkivolin ku gjetën shenjat e litarit në fytin e gruas. Dëshmia e tyre në polici ishte vendimtare në arrestimin e 56-vjeçarit. Gijotina.com arrin të sigurojë foton e çiftit, i cili siç deklarojnë familjarët e viktimës kishin konflikte prej kohësh, ndërsa e afërmja e tyre ishte viktimë e dhunës.
56-vjeçari në dëshminë e tij para policisë u shpreh se e kishte fshehur vetëvrasjen, por sepse kishte frikë se të afërmit e gruas nuk do e besonin. Madje shtoi se ata prej kohësh e kanë akuzuar për dhunën që ushtronte nga gruas dhe se familjarët e saj herë pas here e kishin paralajmëruar se do ta denonconin. Situata i doli nga kontrolli 56-vjeçarit pasi familjarët e gruas tashmë të vetëvarur patën dyshime dhe kërkuan ekspertizë të trupit të pajetë. Pas ekspertizës rezultoi se 55-vjeçarja ishte vetëvarur.
Shefqet Lika u arrestua sot, e do përballet me ligjin pasi akuzohet për dy vepra penale, shkaktim të vetëvrasjes dhe veprime që pengojnë zbulimin e së vërtetës.
Discussion about this post