Dalin të tjera detaje tronditëse nga vrasja e biznesmenit shqiptar në Greqi, Xhani Topalli, i cili u gjet pa shenja jete dhe i hedhur në rrugë nga policia greke. Së fundmi, vëllai i biznesmenit shqiptar në një intervistë për mediat greke shprehet se familja është tronditur nga vdekja e 46-vjeçarit. Sipas tij të gjithë e njihnin atë për njeri korrekt në punë dhe familjar.
Ai tha se ishte në dijeni të borxheve të madha që njerëz të ndryshëm i kishin të vëllait.
“Vëllai im ishte një profesionist korrekt dhe familjar. Të gjithë e njihnin dhe të gjithë e donin. Dija gjithçka për mosmarrëveshjet që kishte me pronarin e hoteli që i moti jetën. Jemi të tronditur. Për fat të keq e kuptuam që në ditën e parë që u zhduk se diçka e keqe do t’i kishte ndodhur. Ne po vajtojmë Xhanin”, ka thënë mes lotësh vëllai i viktimës.
Kristos Topalli shprehet se që nga 28 gushti ku është dhe data e zhdukjes së tij ai ka pasur dyshime se atij mund t’i ketë ndodhur diçka e keqe.
“Qëkur ai u zhduk e kam ditur se mund t’i ketë ndodhur diçka e keqe”, tha ai.
Autori pretendon se 46-vjeçari po i bënte presion për t’i marrë parët dhe se i kishte shkuar shumë herë në hotel nën efektin e alkoolit, duke i shkaktuar shqetësime. Familja e Xhani Topallit i ka ngarkuar çështjen avokatit grek, Minas Tserkis. Sipas avokatit, vrasja e Topallit ishte e paramenduar.
Discussion about this post