Liz Truss u takua me Mbretëreshën Elizabeth II në Kalanë Balmoral si pjesë e procesit formal për t’u bërë kryeministre e ardhshme e Britanisë së Madhe.
Më herët, Boris Johnson u takua me Mbretëreshën, kur ai ofroi dorëheqjen e tij si kryeministër. Mbretëresha Elizabeth II e Britanisë ka pranuar dorëheqjen e tij nga posti i kryeministrit, sipas një deklarate nga Buckingham Palace, raporton Reuters.
Për shkak se Mbretëresha Elizabeth II ka vështirësi në lëvizje, takimet u mbajtën në Kalanë Balmoral në Skoci në vend të Pallatit Buckingham në Londër.
Kujtojmë se kryeministrja e re e Britanisë së Madhe është Liz Truss, ish-ministrja e Jashtme e atij vendi. Ajo mundi kolegun e saj të partisë Rishi Sunak në garën për kryeministër dhe në të njëjtën kohë u bë kryetarja e konservatorëve.
Discussion about this post