Bebe Rexha pritet të publikojë brenda disa ditësh albumin e saj më të ri me titull “Better Mistakes”. Këngëtarja zbuloi kopertinën e albumit, ndërsa bëri me dije se pret me padurim që të gjithë fansat të dëgjojnë projektet muzikore. Pas publikimit të këngës Sabotage, këngëtarja shqiptare ka paralajmëruar dhe një duet me reperin amerikan, Lil Uzi Vert.
Lajmin e ka bërë me dije përmes një fotoje të përbashkët, ndërsa ka bërë me dije se kënga do të publikohet këtë të premte. “Die for a man” në bashkëpunim me Lil Uzi Vert publikohet këtë të premte”, ka shkruar Bebe. Ndërkohë, kujtojmë që albumi përmban dhe duete me Travis Barker, Ty Dolla Sign, Trevor Danier, Rick Ross etj.
“Better Mistakes” përmban gjithsej 13 këngë. Kujtojmë që përsa i përket jetës personale këngëtarja po shijon historinë e dashurisë me Keyan Safyari. Lidhjen e kanë konfirmuar pak muaj më parë, megjithëse në mediat e huaja qarkullonin prej kohësh foto të tyret.
