Tre persona kanë humbur jetën dhe 11 janë plagosur pasi një tren pasagjerësh dhe mallrash u përplasën në Kroaci, njoftuan mediat vendase.
Aksidenti ka ndodhur mbrëmë rreth orës 21:30. Sipas orës lokale, ndërmjet stacioneve Okuçani dhe Novska, afër kufirit me Bosnjën dhe Hercegovinën.
Sipas informacioneve fillestare, treni i pasagjerëve ka goditur trenin e mallrave, i cili është ndalur. Në vendin e aksidentit ka mbërritur edhe kryeministri Andrej Plenkoviq. Ai tha se nuk ka rrezik për jetën e 11 personave të shtruar në spital.
Tre të vdekurit ishin shtetas kroatë dhe 8 nga të plagosurit ishin të huaj, saktësoi televizioni publik, duke shtuar se jozyrtarisht në tren ishin edhe emigrantë nga Irani.
Discussion about this post