Dy aksidente me motor në Lezhë, plagosen një çift shqiptar dhe një gjerman

Dy aksidente kanë ndodhur në qytetin e Lezhës. Aksidenti i parë ka ndodhur në aksin rrugor Lezhë-Kallmet, pranë fshatit Grykë Zezë. Një motor ka dalë nga rruga dhe për pasojë janë plagosur rëndë burrë e grua.

Ata janë dërguar për ndihmë mjekësore në spitalin rajonal të Lezhës. Ndërsa një tjetër aksident ka ndodhur në bulevardin “Gjergj Fishta” në Lezhë.

Giithashtu dhe një çift gjerman, të cilët po udhëtonin me motor, kanë humbur kontrollin dhe për pasojë është plagosur drejtuesi i mjetit.