Ndërpritet në minutën e 80-të ndeshja Cadiz-Barcelona, ja arsyeja

Një rast i paprecedent është shënuar në ndeshjen mes Cadiz dhe Barcelonës. Ndeshja u ndërpre pas minutës së 80-të.

Dikush nga tifozët pas portës është ndjerë keq dhe ka kërkuar ndihmë mjekësore. Portierit Ledesma i është dashur të vrapojë me një defibrillator në duar dhe ta hedhë atë drejt tribunës për t’u kujdesur për tifozin.

Të gjithë të palëvizshëm duke parë skenën e ankthit. Araujo i Barcelonës është fiksuar duke u lutur. Minutat kalojnë, loja është e ndërprerë për mbi 15 minuta… Futbollistët futen në dhomat e zhveshjes deri sa të normalizohet gjendja e tifozit me probleme shëndetësore.