Del jashtë kontrollit situata në Kosovë/ Përdhunohet një tjetër e mitur, pas rastit në Pejë

Një tjetër rast përdhunimi është raportuar në Kosovë ku një vajzë në Klinë dyshohet se është përdhunuar nga një burrë i moshës madhore.

Lajmi është bërë i ditur nga policia e Kosovës e cila në njoftimin e saj informon se personi i dyshuar është arrestuar nën pas denoncimit të së resë.

“DHUNIM/Klinë 10.09.2022 – 23:00. Është arrestuar i dyshuari mashkull kosovar nën dyshimin se ka kryer veprën e dhunimit ndaj viktimës femër kosovare. Me vendim të prokurorit i dyshuari është dërguar në mbajtje.”-thuhet në njoftimin e policisë.

Përdhunimi raportohet se ka ndodhur dy ditë më parë ku pas denoncimit të viktimës autori i dyshuar është vënë në prangat e policisë dhe do të mbahet deri në përfundim të hetimeve.

Ky është rasti i dytë i përdhunimit i raportuar në 24 orë në Kosovë ku mëngjesin e sotëm policia e Pejës informoi se një muaj më parë është përdhunuar një e mitur e cila nuk kishte denoncuar më parë prej frikës.