57-vjeçari N.D., banues në fshatin Lalm të Lezhës, ka rënë në prangat e policisë, për kultivim të lëndëve narkotike.
Uniformat blu bëjnë me dije se do të vijojnë kontrollet në në sipërfaqet e pyllëzuara, banesa të braktisura apo ish-reparte ushtarake për parandalimin e kultivimit të kanabisit.
Ndërkohë materialet e referuara për 57-vjeçarin, i kaluan Prokurorisë së Rrethit Gjyqësor Lezhë, për veprime të mëtejshme, për veprën penale “Kultivimi i bimëve narkotike”.
Lezhë /Informacion
Vijojnë kontrollet për parandalimin, evidentimin dhe goditjen e tentativës për kultivim të bimëve narkotike.
Goditet një tjetër rast i tentativës për kultivim të bimëve narkotike, vihet në pranga 1 shtetas.
Shërbimet e Policisë Lezhë, në zbatim të planit të masave për kontrollin e territorit me qëllim parandalimin e kultivimit të kanabisit, kanë vijuar kontrollet në sipërfaqe të pyllëzuara, banesa të braktisura nga pronarët, ish-reparte ushtarake dhe në ato banesa për të cilat disponohet informacion policor se mund të ketë tendencë për kultivim të bimëve narkotike.
Si rezultat i kontrolleve, në vendin e quajtur “Lalm Lukaj”, Lezhë, është konstatuar në tentativë për të kultivuar bimë narkotike shtetasi N. D., 57 vjeç, banues në fshatin Lalm, Lezhë, i cili është vënë në pranga nga shërbimet e Policisë.
Materialet i kaluan Prokurorisë së Rrethit Gjyqësor Lezhë, për veprime të mëtejshme, për veprën penale “Kultivimi i bimëve narkotike”.
