Pavarësisht se kanë kaluar disa ditë nga sulmi kibernetik në pikat doganore të vendit tonë, ku sistemi TIMS u hodh poshtë nga hakerat iranianë ’Homelandforjustice’, mediat raportojnë që këta të fundit ende po bëjnë ’festë’ me të dhënat e shqiptarëve.
’Top Channel’, i cili njihet për linjën editoriale pro qeveritare, ka ’provokuar’ vetë kryeministrin Edi Rama, i cili teksa përgënjeshtron lajmin që ’kriminelët po bëjnë festë me të dhënat e shqiptarëve’, e cilëson një ekran jo serioz që s’do t’ja dijë për dinjitetin e shqiptarëve.
Kjo nuk është hera e parë që Rama kritikon hapur ’Top Channel’, e cila që pas largimit të Ben Blushit si drejtor nuk ka kursyer lajmet kundër kreut të qeverisë.
Në postimin në Twitter, Rama shkruan se media e ’Top Channel’ po luan me dinjitetin e vetë shqiptarëve, ndërsa u kërkon shqiptarëve t’i besojnë vetëm qeverisë.
’Kjo s’është “Festë për kriminelët”po një festë tallavaje për ekrane e portale që s’duan t’ia dinë për publikun që i sheh e lexon, se për më shumë si psh për dinjitetin kombëtar është edhe gjynah t’iu kërkosh!Jo që s’po gënjen qeveria,po vetëm qeveria s’po gënjen në këtë mexhelis!’-shkruan Rama në Twitter.
Discussion about this post