Kërkesa e Bashkisë Vlorë për disa ndryshime në buxhetin 2022, ku kërkohej ndër të tjera edhe një rialokim fondesh prej 90 milion lekësh, për aktivitetet kulturore përfshi edhe festimet për 100 vjetorin e pavarësisë, nuk është kaluar nga këshilltaret në mbledhjen e këshillit bashkiak. Sipas këshilltarëve me motivacionin se në këtë kërkesë nuk ishte e specifikuar se nga do të hiqeshin këto fonde për ti rialokuar në aktivitetet kulturore , si edhe mos specifikimi sesi do të përdoreshin i detajuar me zërat përkatës. Keshtu Vlora në perfundim të sezonit turistik duket se do të jetë e vaket sa i përket jetës kulturore.
Kjo përplasje e radhës duke se do e lërë Vlorën, kryeqendrën e festimeve të Pavarësisë pa asnjë organizim. Mirëpo nga ana tjetër mbetet e paqartë se ku kanë përfunduar fondet që Bashkia e Vlorës kishte programuar për këto festime në Buxhetin e këtij viti.
Edhe ky rast vijon të përkeqësojë marrëdhëniet mes keshillit bashkiak dhe kryetarit të bashkisë së Vlorës, te nisura mbas konfliktit me kryeminstrin në zgjedhjet e përgjithshme 2021. Konflikti i parë nisi menjëherë mbas zgjedhjeve kur Këshilli Bashkiak i Bashkisë Vlorë deklaroi se kreu i bashkisë e kishte humbur besimin e tyre dhe kërkoi një mbledhje ballafaquese me Kryetarin për shërbimet e ofruara nga kjo bashki, mbledhje e cila nuk u organizua nga Leli me pretendimin e masave anticovid, ndërsa kërkoi që mbledhja të bëhej online, kërkse kjo që nuk u prania nga këshilltarët. Një tjetër përpalsje ishte ajo për kalimin e sha ujesjellës Vlorë në një shoqeri aksionere. Me një shumicë të Partisë Socialiste, anëtarët e këtij këshilli, kërkuan që ujësjellësi të kthehet në një shoqëri aksionere për shkak të borxheve të akumuluara, por kjo kërkesë nuk u pranua nga kryetari i bashkisë pasi sipas Lelit nuk kishte një studim të mirëfilltë nëse ky vendim do të ishte në të mirë të qytetarëve vlonjatë.
Discussion about this post