Policia greke ka arrestuar katër persona, mes tyre dy shqiptarë me akuzën e trafikut të lëndëve narkotike. Në kuadër të hetimit të informacionit në lidhje me trafikun e drogës në zonën e Kerameikos, tre të huajt janë pikasur duke u takuar me të katërtin, i cili ka mbërritur në vendngjarje me makinë.
Në atë moment janë paraqitur efektivët e policisë dhe gjatë kontrollit që kanë bërë në automjet janë gjetur dhe konfiskuar 2 pako me lëndë narkotike. Mediet greke bëjnë me dije se në dy pakot kishte 1492 gram kanabis (1.5 kg).
Në të njëjtën kohë, dy nga të pandehurit posedonin 2.1 gram kanabis, si dhe një shumë parash. Katër të arrestuarit, me dosjen e ngritur ndaj tyre nga Departamenti i Sigurimit të Omonias, u dërguan në Prokurorinë Penale të Athinës.
Discussion about this post