Prej më shumë se disa javësh, spekulimet për fatin e të shumëkërkuarit, Ervis Martinaj, kanë arritur kulmin duke u kthyer në një telenovelë me shumë seri.
Shumë versione janë thënë për zhdukjen e Martinajt. Nga pretendimet se trupi i tij është ndarë në gjashtë pjesë, te rrëmbimi dhe oferta 50 milionë euro pët t’u liruar dhe deri tek inskenimi i zhdukjes drejt ndonjë vendi si Dubai, për t’ju shpëtuar bandave rivale.
Në një studio televizive, ish-komisari i policisë Dritan Zagani është shprehur se Ervis Martinaj ka kontaktuar një kirurg plastik, një nga më të njohurit në Itali me origjinë shqiptare. Bëhet fjalë për dy muaj para se të zhdukej Martinaj.
“Pak muaj para se të zhdukej ky person nëpërmjet lidhjeve të tij ka kërkuar të takoj një nga kirurgët plastik më të mirët në Itali.
Ka dërguar njerëz që ta sjellin në Shqipëri dhe ky kirurgu është shqiptar. Hetuesit a e kanë shqyrtuar ndonjëherë këtë mundësi? Thuajse dy muaj para se të zhdukej Ervis Martinaj ka ndodhur kjo gjë,” tha Zagani.
Discussion about this post