Ish-kryetari i Partisë Demokratike, Lulzim Basha, ka reaguar në lidhje me raportin e DASH ku shprehej se PD në 2017-ën ka marrë 500 mijë dollarë nga Rusia. ME anë të një postimi në Twitter, Basha shkruan se selia blu nuk ka marrë kurrë asnjë financim të huaj e aq më pak me burim rus.
Ai shprehet se kur pretendime të tilla u qarkulluan në disa media, Partia Demokratike i kërkoi zyrtarisht drejtësisë hetimin e këtyre akuzave dhe bashkëpunoi plotësisht me drejtësinë e cila hodhi poshtë çdo pretendim për financime të huaja.
“Partia Demokratike nuk ka marrë kurrë asnjë financim të huaj e aq më pak me burim rus. Kur pretendime të tilla u qarkulluan në disa media, Partia Demokratike i kërkoi zyrtarisht drejtësisë hetimin e këtyre akuzave dhe bashkëpunoi plotësisht me drejtësinë e cila hodhi poshtë çdo pretendim për financime të huaja. Ne jemi krenarë për partneritetin e palëkundur me aleatin tonë strategjik, SHBA dhe të vendosur të ecim përpara në krah të aleatëve tanë euro-atlantikë për konsolidimin e vlerave perëndimore dhe integrimin e plotë të Shqipërisë në BE” – shkruan Basha në Twitter.
Discussion about this post