Rama po i josh opozitarët me tendera. Një nga këta është kryetari i PD-së Fier, Agron Kapllanaj që vazhdon të fitojë miliarda lekë tendera, sidomos nga Fondi Shqiptar i Zhvillimit i drejtuar nga Dritan Agolli. Kështu FSHZH ka shpallur fituese në një tender kompaninë “Shkëlqimi 07”, në pronësi të Shkëlqim Kapllanaj, vëllait të demokratit Agron Kapllanaj. Ky i fundit është një nga mbështetësit më të mëdhenj të krahut të Lulzim Bashës dhe gjithashtu ka qenë kryetar i Degës Fier.
Bëhet fjalë për tenderin me objekt “Ndërhyrje për përmirësimin e shtresave asfaltike, (rajoni katër)” dhe me numër reference: REF-32125-06-07-2022. Sipas dokumentit të publikuar në Agjencinë e Prokurimeve Publike në këtë tender kanë garuar 20 kompani dhe fituese është shpallur kompania e Shkëlqim Kapllanajt, që ka ofruar më shumë se 2,2 miliard lekë, më konkretisht 226,466,200 lekë (të reja). Në total për këtë tender do të bëhet pagesa 4.3 miliardë lekë.
Pazaret e Kapllanit kundër qytetarëve
Kapllanaj nuk është vetëm mik i Agollit, ai duket që ka marrëdhënie mjaft të mira me të gjithë aktorët e mazhorancës. Ai ka marrë me dhjetëra tendera nga kjo qeveri dhe një pjesë të mirë pa garë dhe në shkelje të konkurrencës. Një tjetër tender e fituar nga kjo kompani është në Bashkinë e Durrësit për “Rehabilitimin e vend depozitimit të mbetjeve në Vadardhë”, me vlerë 25 milionë lekë.
Bniznesi i Kapllanajt rritet me bashkë me zullumet e qeverisë, si në rastin e prishjes së banesave të qytetarëve në zonën e “5 Majit”. Ndërsa opozita ishte ngritur në protesta kundër qeverisë për prishjen e banesave tek “5 Maji”, firma e Kapllanajt ‘Shkëlqimi 07’ u bë një prej përfitueseve në kurriz të qytetarëve.
Kapllanaj ka përfituar një fond prej gati 322 milionë lekësh tek “5 Maji”, taksa të shqiptarëve, në tenderin e shpallur nga Bashkia e Tiranës.“Hartim i Projektit dhe zbatim i Punimeve për Ndërtimin e godinës 20 në zonën zhvillimore 5 Maji me vlerë kontrate 321 750 000 Lekë me fitues bashkimin e operatorëve Shkëlqimi 07 shpk, Gran Konstruction M shpk dhe Fled shpk”, thuhet në raportin e publikuar nga Open Data Albania.
Mirëpo kjo kompani rezulton se gjatë këtyre viteve ka fituar edhe tendera të tjerë në bashkitë e vendit. Plot 47 tenderë ka fituar gjatë këtyre 4 viteve, kompania e vëllait të ish-kryebashkiakut demokrat. Mesa duket “ Shkëlqimi 07” është ndihmuar na PS në pushtet pasi Agron Kapllanaj mori kursin kundër njerëzve të Berishës në Fier. Kujtojmë se edhe Berisha i është vërsulur Kapllanajt duke e akuzuar për faktin se merr fonde nga qeveria “Rama”. Më së shumti ai ka përfituar tenderë për ujësjellës-kanalizime dhe procesin e rindërtimit, nga të gjitha bashkitë. Gjithashtu, me poshtë do te gjeni edhe tabelën e një studimi në të cilën kjo kompani renditet nder 11 kompanitë e klientelës së Ramës në raport me tenderët e fituar nga pushteti.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post