Tmerri i grabitjeve në Milano/ Arrestohet shqiptari në Barcelonë, akuzohet për 23 vjedhje

Një shqiptar u arrestua nga policia në Barcelonë, pasi akuzohej për disa grabitje.

Sipas asaj që shkruajnë mediat spanjolle, shqiptari ka kryer në total 23 grabitje në banesë pranë Milanos.

Arrestimi ndodhi në stacionin e autobusëve Barcelona Nord. Shqiptari ka kryer vjedhjet në fund të vitit 2021, në qyteza të ndryshme në periferinë e Milanos.

Organizata kriminale ishte e përbërë kryesisht nga shqiptarë. I arrestuari nuk ka precedent penal në Spanjë.

Mediat e huaja shkruajnë se mafia shqiptare kohët e fundit është bërë shumë e spikatur në Katalonjë , veçanërisht për drejtimin e disa prej organizatave kriminale më të fuqishme të dedikuara për trafikun e marijuanës në këtë rajon.

Siç kanë paralajmëruar si Policia Kombëtare ashtu edhe Mossos d’Esquadrea, Katalonja është bërë kopshti i Evropës , duke u shndërruar nga një territor kalimi ose hyrjeje në kontinent, në një rajon prodhues.