Vëllai i Shahe Likës që u gjend e vdekur disa javë më parë në banesën e saj në Kamëz ka hedhur dyshime se pas ngjarjes së rëndë fshihet bashkëshorti i saj Shefqet Lika.
Ky i fundit është lënë në arrest me burg për shkak se nuk ka raportuar vetëvrasjen e saj.
Por siç thotë i vëllai, në një intervistë ekskluzive për “Abc-ja e mëngjesit”, motra e tij nuk është vetëvrarë. Serveti shprehet se në trupin e saj janë gjetur shenja dhune, të cilat janë mbuluar me grim.
“Motrës time i është bërë grim në fytyrë. Aty është gjetur çanta e prerë, një palë çorape. Ajo ka dashur me ikur, në këtë moment çanta është gjetur e prerë, thonjtë të kujt janë në dorën e motrës time. Pse autopsia, ka gjetur sikur është vetëvrarë, kemi pasur informacion nga autopsia se është dhunuar dhe nuk është përmendur kund. Janë zhdukur rrobat e motrës time, janë zhdukur provat material. Është një skenar i parapërgatitur. Prona e shtëpisë pse është kaluar në emër të nënës që është në prag të vdekjes”, tha ai.
Discussion about this post