Deputeti socialist, Erion Braçe deklaroi ditën e sotme nga Kuvendi i Shqipërisë se 300 mln euro që do të përdoren për demokracinë dhe Qeverinë në vend janë shumë.
Ai u shpreh se Qeveria nuk ka nevojë që të marrë aq shumë para nga taksa paguesit europianë teksa financohet edhe nga paratë e taksa paguesve shqiptarë.
“Shqipëria ka nivelin më të lartë të marrëdhënieve me BE. Askush nuk ia mohon dot meritën qeverisë dhe opozitës. Ne na duhen ato para të BE dhe të donatorëve të tjerë, dua të pohoj se transparenca në këtë proces është e rëndësishme. Jemi informuar në kohë dhe kush ka dashur të bëhet pjesë është bërë. Unë nuk mund ti them dot nivelit aktual të disbursimit. Këtu ka punë për të bërë dhe përgjegjësi për të marrë, e kam të vështirë të besoj se deri në fund do të kemi shpenzuar 34 mln euro. Nëse duhet bërë kjo duhet punuar 24 orë në 7 ditë në javës. Struktura e këtij programi më shqetëson. 300 mln euro për demokraci dhe qeverisje janë shumë para, e di që kemi nevojë për të financuar reformën në Drejtësi por për demokraci e qeverisje është detyrë e çdo maxhorance që paguhet financohet nga paratë e taksave të shqiptarëve, nuk ka nevojë dhe për paratë e taksa paguesve europiane”, tha Braçe.
Discussion about this post