Akuzohet për ndërtim pa leje, Salillari përfundon në Prokurori

Biznesmeni Pëllumb Salillari është kallëzuar penalisht në Prokurorinë e Tiranës.

Vendimi është marrë nga Inspektoriati Kombëtar i Mbrojtjes së Territorit dhe Komisariati numër 1 i policisë.

Sipas MCN, edhe pse informacioni nuk është bërë ende publik, kallëzimi ka mbërritur në tryezën e shefit të përkohshëm të prokurorisë, Arenc Cela.

Me këtë veprim, Salillari bëhet kështu biznesmeni i parë që vihet nën shënjestër pas aksionit të qeverisë ndaj ndërtimeve pa leje.

Nuk dihet ende nëse kjo masë do të merret edhe për personat e tjetrë të fuqishëm që kanë ndërtuar në të gjithë Shqipërinë.

Kujtojmë se pak ditë më parë, qeveria miratoi një vendim që tentonte të amnistonte ndërtimet pa leje të ndërtuesve të fuqishëm kundrejt konfiskimit ose duke iu ofruar të drejtën e blerjes me çmimin e tregut.