Si parashikohet situata? KESH merr masat drastike për hidrocentralin e Fierzës

Shtatori do të jetë një muaj i freskët dhe i lagësht. Në këtë periudhë priten evente kryesisht me reshje shiu. Kjo do të përmirësojë ndjeshëm situatën hidrike në kaskadë.

Situata e tillë pritet në datat 16-17 shtator. Në lidhje me këtë, KESH ka marrë masa që duke nisur nga data 11 shtator të ndalojë plotësisht prodhimin nga HEC Fierza, me qëllim që të përpunohen prurjet anësore të Komanit dhe Vaut të Dejës. Gjithashtu mësohet se nivelet në Koman dhe në Vaun e Dejës po ulen gradualisht për krijimin e hapësirës së nevojshme në këto liqene për të rezervuar prurjet e mëdha të parashikuara në datat 16 -18 Shtator dhe datat 20 – 21 Shtator.

Ndërsa liqeni i Fierzës si pasojë e masave të marra dhe prurjeve që priten do të rritet graduaslisht duke përmirësuar kështu rezervën energjetike.

Niveli në Fierzë: 267.57 m

Niveli në Koman: 168.52 m

Niveli në Vau Dejës: 73.15 m

Prurjet: Fierzë / Koman / Vau Dejës:

65 / 20 / 10 m3/s

Rezerva Energjetike: 440 GËh

FTL – Kërkesa për energji elektrike nga FTL është rreth 14,800 MWh në ditë;

KEK – Depozitim nga KEK nuk ka për datën 15 Shtator;

OST – Kërkesa për mbulimin e humbjeve për OST është rreth 480 MWh në ditë;

PRODHIMI nga kaskada për datën 15 Shtator është rreth 6,900 MWh;

IMPORT për FTL është rreth 8,380 MWh në ditë;