Një zjarr me përmasa të mëdha ka pushtuar orët e para të mëngjesit zonën e Gudullit në Seman të Fierit ku flakët janë përhapur në një zonë pyjore e cila përbëhet nga pisha.
Sipas informacioneve paraprake, zjarri është aktivizuar gjatë natës.
Aktualisht në vendngjarje ndodhet dy zjarrfikëse nga Fieri të cilët po tentojnë të vënë nën kontroll flakët deri në shuarjen e tyre por kanë hasur vështirësi për shkak të terrenit.
Ndërkohë ditën e djeshme ka pasur disa vatra zjarri në rrethin e Vlorës, ku në Jonufër zjarrfikësit kanë shuar një tjetër vatër zjarri.
Sipas zjarrfikëseve kjo është dhe periudha ku barinjtë apo dhe personat që kërkojnë të mbijë bari i ri i vendosin zjarrin zonës, por pa menduar pasojat që ai mund të shkaktojë.
Discussion about this post