Lufta kundër drogës/ SPAK me perforcime, ekipi i DEA-s mbërrin në Shqipëri

Ekipi i DEA-s ka mbërritur sot në Shqipëri, për të mbështetur SPAK në luftën kundër drogës. Lajmi është bërë me dije nga ambasada e SHBA-së në Shqipëri, e cila shprehet se ambasadorja Kim u takua me agjentin special, Leddy.

“Ambasada e SHBA ka kënaqësinë të mirëpresë në Shqipëri agjentin special të Administratës së Zbatimit Ligjor kundër Narkotikëve (DEA), Brendan Leddy. Ambasadorja Kim u takua me agjentin special Leddy për ta mirëpritur atë në ekip dhe për të diskutuar të ardhmen e pranisë së DEA-s në Shqipëri.

Agjenti Special Leddy së bashku me personelin shtesë të DEA-s do të bashkëpunojnë ngushtë me SPAK dhe homologët shqiptarë të zbatimit të ligjit për forcimin e partneritetit në operacionet ndërkombëtare kundër narkotikëve dhe krimit të organizuar. Agjenti Special Leddy do të mbështesë më tej ndërtimin e aftësive në teknikat e hetimit kundër narkotikëve.”-njofton policia.