“Nuk shkoi as 10 minuta kur…” U mbyt sot në det, del dëshmia rrëqethëse për 59 vjeçarin nga Librazhdi

Një dëshmi rrëqethëse ka dalë për 59 vjeçarin Xhevat Lleshi nga Librazhdi që u mbyt sot në Sarandë.

Ai hyri në det për tu larë, por nuk mundi të mbijetojë. Sipas rojes bregdetare Sokol Alushaj, i cili ndodhej tek kulla e vrojtimit e plazhit “Krahu i Shqiponjës”, viktima kishte shumë pak që kishte shkuar në plazh.

“U ul fillimisht në breg dhe pastaj u fut në ujë. Nuk shkoi as 10 min në ujë kur persona që e panë që u zhyt dhe nuk doli folën me zë të lartë. Shkova e nxorra në breg, i bëra frymëmarrje, e ktheva nëse kishte marrë ujë po nuk nxorri gjë, veçse në fytyrë dhe trup kishte marrë ngjyrë të errët. Erdhi edhe një mjek që ndodhej në plazh. Dha edhe ai ndihmë po u pa se ishte i pajetë”– u shpreh roja bregdetare.